နေပြည်တော်၊ မတ်လ ၂၂ ရက်

အဂတိလိုက်စားမှုတိုက်ဖျက်ရေးကော်မရှင်သည် ပညာရေးဝန်ကြီးဌာနနှင့်ပူးပေါင်း၍ အဂတိလိုက်စားမှုတိုက်ဖျက်ရေးနှင့်စပ်လျဉ်း၍ အသိပညာရရှိစေရန်၊ အဂတိလိုက်စားမှုကို တွန်းလှန်တိုက်ဖျက်ရာတွင် အဓိကကျသည့် ဖြောင့်မတ်တည်ကြည်မှုရှိသည့် အသိုက်အဝန်း တည်ဆောက်ရန်အတွက် ဆရာ/ဆရာမများ မွမ်းမံသင်တန်းများတွင် အသိပညာပေးအစီအစဉ်များကို ဆောင်ရွက်ခဲ့ရာ ကော်မရှင်အဖွဲ့ဝင်များက ကြီးကြပ်လိုက်ပါလျက် ကော်မရှင် (ရုံးခွဲ)များမှ အရာထမ်းများက ပဲခူးတိုင်းဒေသကြီး (အရှေ့)ရှိ အထက (၁) နှင့် အထက (၃) တို့တွင် လည်းကောင်း၊ မကွေးတိုင်းဒေသကြီးရှိ အထက (၄) နှင့် အထက (၁) တို့တွင်လည်းကောင်း၊ မန္တလေးတိုင်းဒေသကြီး ချမ်းအေးသာစံမြို့နယ်ရှိ အထက (၁)၊ အထက (၄) နှင့် အထက (၈) တို့တွင် လည်းကောင်း၊ မော်လမြိုင်မြို့ရှိ  အထက (၈) နှင့် အထက (၉) တို့တွင်လည်းကောင်း၊ အသိပညာပေး ဆောင်ရွက်ခဲ့ပြီး ဆရာ/ ဆရာမများကလည်း စိတ်ဝင်တစား မေးမြန်းဆွေးနွေးခြင်းများ ဆောင်ရွက်ခဲ့ကြပါသည်။