ပြည်ပအစည်းအဝေးတက်ရောက်မှု

အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးအောင်ကြည် ခေါင်းဆောင်သည့် မြန်မာ ကိုယ်စားလှယ်အဖွဲ့သည် ဒိန်းမတ်နိုင်ငံတွင် ကျင်းပပြုလုပ်မည့် အဂတိလိုက်စားမှုတိုက်ဖျက်ရေး ဆိုင်ရာ အပြည်ပြည်ဆိုင်ရာညီလာခံနှင့် အစည်းအဝေးများ တက်ရောက်ရန်အတွက် ၂၁-၁၀-၂၀၁၈ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်မှ လေကြောင်းခရီးဖြင့် ထွက်ခွာခဲ့သည်။

ဒိန်းမတ်နိုင်ငံ ကိုပင်ဟေဂင်မြို့သို့ ရောက်ရှိနေသော မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင်ဥက္ကဋ္ဌ နှင့်အဖွဲ့သည် ကိုပင်ဟေဂင်မြို့ Eigtveds Pakhus Building တွင် ဒိန်းမတ် အစိုးရ၊ ကမ္ဘာ့ဘဏ် နှင့် အဂတိလိုက်စားမှုရှာဖွေတိုက်ဖျက်ရေး အပြည်ပြည်ဆိုင်ရာ မဟာမိတ်အဖွဲ့တို့ ပူးပေါင်းစီစဉ်ကျင်းပသည့် အဂတိလိုက်စားမှုရှာဖွေတိုက်ဖျက်ရေး အပြည်ပြည် ဆိုင်ရာ မဟာမိတ်အဖွဲ့ (International Corruption Hunters Alliance)၏ စတုတ္ထအကြိမ်မြောက် အစည်းအဝေးသို့ ၂၅-၁၀-၂၀၁၈ ရက်နေ့မှ ၂၆-၁၀-၂၀၁၈ ရက်နေ့ထိ တက်ရောက်ခဲ့သည်။