အလုပ်ရုံဆွေးနွေးပွဲ

၅-၁၁-၂၀၁၈ ရက်နေ့၊ နံနက်(၉:ဝဝ)နာရီတွင် နေပြည်တော်ရှိ အဂတိလိုက်စားမှု တိုက်ဖျက်ရေး ကော်မရှင်ရုံး၌ ကော်မရှင်သို့ ပြောင်းရွှေ့လာသော ဝန်ထမ်းများ၊ အဂတိလိုက်စားမှု တိုက်ဖျက် ရေး အခြေခံလေ့ကျင့်ရေးသင်တန်း အမှတ်စဉ်(၁/၂၀၁၈)သင်တန်းဆင်းပွဲ အခမ်းအနား ပြုလုပ် ရာ ကော်မရှင် ဥက္ကဋ္ဌ၊ အတွင်းရေးမှူး၊ ကော်မရှင်အဖွဲ့ဝင်များ၊ ကော်မရှင်ရုံး ဝန်ထမ်းများနှင့် သင်တန်းသား၊ သင်တန်းသူ(၈၂)ဦး၊ စုစုပေါင်း (၁၃၅)ဦးတို့ တက်ရောက်ခဲ့ကြပါသည်။

အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည် ခေါင်းဆောင်သည့် မြန်မာ ကိုယ်စားလှယ် အဖွဲ့သည် စင်ကာပူနိုင်ငံတွင် ၂၉-၁၀-၂၀၁၈ ရက်နေ့မှ ၃၁-၁၀-၂၀၁၈ ရက်နေ့ထိ ကျင်းပပြုလုပ်သည့် ၁၄ ကြိမ်မြောက် အရှေ့တောင်အာရှအဂတိလိုက်စားမှုတိုက်ဖျက်ရေး အဖွဲ့(SEA-PAC)၏ အကြီးအမှူးများ အစည်းအဝေးနှင့် Applying Innovative Tools in the Fight Against Corruption ဒေသဆိုင်ရာ အလုပ်ရုံ ဆွေးနွေးပွဲသို့ တက်ရောက်ရန်အတွက် ၂၈-၁၀-၂၀၁၈ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်မှ လေကြောင်းခရီးဖြင့် ထွက်ခွာ ခဲ့သည်။

နေပြည်တော် ၊ အောက်တိုဘာလ ၁၈ ရက်

မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်သည် ကျောင်းသား၊ကျောင်းသူများ၏ "ဖြောင့်မတ်တည်ကြည်မှု မြှင့်တင်ရေးပညာပေးအစီအစဉ်(အခြေခံပညာမူလတန်း)" ဆရာကိုင် စာအုပ်အားပုံနှိပ်ပြီး ယခုပညာသင်နှစ်အမှီ အချိန်မှီဖြန့်ဝေသင်ကြားပေးနိုင်ရန်အတွက် စာအုပ်ရေ (၄ဝဝဝဝ)အား ကော်မရှင်မှ ပညာရေးဝန်ကြီးဌာနသို့ လွှဲပြောင်းပေးအပ်ပွဲအခမ်းအနားကို ၁၈-၁၀-၂၀၁၈ ရက်နေ့၊ နေ့လည် (၁၂:ဝ၀) နာရီအချိန်တွင် ရုံးအမှတ် (၂၁)၊ ပညာရေးဝန်ကြီးဌာန၊ ဝန်ကြီးရုံးခန်းမ၌ ကျင်းပခဲ့ပါသည်။

မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးအောင်ကြည်သည် နေပြည်တော်ရှိ M-Gallery ဟိုတယ်၌ ကျင်းပသည့် တရားမဝင်ကုန်သွယ်မှုတိုက်ဖျက်ရေးဖိုရမ် (၂၀၁၈)သို့ တက်ရောက်၍ အဖွင့်မိန့်ခွန်း ပြောကြားသည်။

အဖွင့်မိန့်ခွန်းပြောကြားရာ၌ ကမ္ဘာ့တစ်ဝှမ်းတွင် ဖြစ်ပေါ်နေသော တရားမဝင်ကုန်သွယ်မှုများ ကြောင့် အမေရိကန်ဒေါ်လာ သန်းပေါင်းများစွာ ဆုံးရှုံးနစ်နာမှုများ ဖြစ်ပေါ်စေပြီး စီးပွားရေး၊ သဘာဝပတ်ဝန်းကျင်နှင့် လူမှုအသိုင်းအဝိုင်းကို ထိခိုက်နစ်နာမှုများ ဖြစ်ပေါ်စေပါကြောင်း၊ ထို့အပြင် အများပြည်သူဆိုင်ရာ ကျန်းမာရေးနှင့် လုံခြုံမျုများကို ဆိုးရွားစွာထိခိုက်စေပြီး လူမှုရေး ဆိုင်ရာနှင့် သဘာဝပတ်ဝန်းကျင်ဆိုင်ရာ စိုးရိမ်ပူးပန်မှုများဖြစ်ပေါ်စေသော အခြားပြစ်မှုဆိုင်ရာနှင့် အုပ်ချုပ်မှု ဆိုင်ရာ ဥပဒေများကို ချိုးဖောက်ခြင်းများ ဖြစ်ပေါ်စေနိုင်ပါကြောင်း၊