အလုပ်ရုံဆွေးနွေးပွဲ

 

နေပြည်တော်၊ ဇွန် ၁၇

၁။      အဂတိလိုက်စားမှုတိုက်ဖျက်ရေးကော်မရှင်သည် မွန်ပြည်နယ်အစိုးရအဖွဲ့၊ ကရင်ပြည်နယ် အစိုးရအဖွဲ့ တို့နှင့်ပူးပေါင်း၍ ကုလသမဂ္ဂဖွံ့ဖြိုးမှုအစီအစဉ်(UNDP)၏ နည်းပညာအကူအညီဖြင့် အဂတိလိုက်စားမှုတားဆီးကာကွယ်ရေးဆိုင်ရာ အလုပ်ရုံဆွေးနွေးပွဲများအား မွန်ပြည်နယ်၊ မော်လမြိုင်မြို့ ၊ ပြည်နယ်ခန်းမတွင် “အုပ်ချုပ်ရေးနှင့် စီးပွားရေးဆိုင်ရာတာဝန်ယူမှု” ခေါင်းစဉ်ဖြင့် ၂၄-၆-၂၀၁၉ ရက်နေ့၌ လည်းကောင်း၊ ကရင်ပြည်နယ်၊ ဘားအံမြို့ ၊ သီရိဘားအံဟိုတယ်တွင် “အုပ်ချုပ်ရေးနှင့်စီးပွားရေးဆိုင်ရာ ဖြောင့်မတ် တည်ကြည်မှု” ခေါင်းစဉ်ဖြင့် ၂၅-၆-၂၀၁၉ ရက်နေ့၌လည်းကောင်း ကျင်းပပြုလုပ်သွားမည် ဖြစ်သည်။

အဂတိလိုက်စားမှုတိုက်ဖျက်ရေးကော်မရှင်နှင့် ကုလသမဂ္ဂဖွံ့ဖြိုးမှုအစီအစဉ် (UNDP) တို့ ပူးပေါင်း၍ ပြည်ထောင်စုဝန်ကြီးဌာနများတွင် ရှေ့ပြေးစီမံကိန်းအဖြစ် ဝန်ကြီးဌာန(၁၃)ခု၌ အဂတိလိုက်စားမှု တားဆီးကာကွယ်ရေးအဖွဲ့ (Corruption Prevention Unit_CPU) များ ဖွဲ့စည်းရေး အလုပ်ရုံ ဆွေးနွေးပွဲကို ယနေ့နံနက် (၀၉:ဝ၀)နာရီတွင် နေပြည်တော် Park Royal Hotel ၌ ကျင်းပပြုလုပ်သည်။ အလုပ်ရုံဆွေးနွေးပွဲသို့ အဂတိလိုက်စားမှုတိုက်ဖျက်ရေး ကော်မရှင်ဥက္ကဋ္ဌနှင့် အတွင်းရေးမှူး၊ ကော်မရှင်အဖွဲ့ဝင်များ၊ ပြည်ထောင်စုဝန်ကြီးဌာန(၁၃)ခုမှ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် ကော်မရှင်ရုံးဝန်ထမ်းများ တက်ရောက်သည်။