နောက်ဆုံးရသတင်း

နေပြည်တော်၊ မေလ (၂၂) ရက်     

အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်သည် မြန်မာနိုင်ငံ ဆိုင်ရာ အမေရိကန် သံအမတ်ကြီး H.E. Mr. Scot Marciel နှင့်အဖွဲ့အား ယနေ့ နံနက် (၁၀:၀၀) နာရီအချိန်တွင် နေပြည်တော်ရှိ အဂတိလိုက်စားမှုတိုက်ဖျက်ရေးကော်မရှင်ရုံး၊ ဧည့်ခန်းမ၌ လက်ခံတွေ့ဆုံသည်။

နေပြည်တော်၊ မေလ ၁၃ ရက်

-------------------------

အဂတိလိုက်စားမှုတိုက်ဖျက်ရေးကော်မရှင်နှင့် ကုလသမဂ္ဂမူးယစ်ဆေးဝါးနှင့် ပြစ်မှုဆိုင်ရာရုံး (UNODC)တို့ ပူးပေါင်း၍ လာဘ်ပေးလာဘ်ယူမှုများအား စုံစမ်းစစ်ဆေးအရေးယူခြင်းနှင့် စပ်လျဉ်းသည့် သင်တန်း (Mentoring in relation to the investigation of bribery offences)ကို ကော်မရှင်ရုံး စုပေါင်းခန်းမ၌ မေလ (၁၃)ရက်နေ့ နံနက် (၀၉:၀၀)နာရီတွင် ဖွင့်လှစ်သည်။

မန္တလေး၊ မေ ၁၁

-------------------

အဂတိလိုက်စားမှုတိုက်ဖျက်ရေးကော်မရှင်၊ မန္တလေးရုံးခွဲဖွင့်ပွဲကို ချမ်းမြသာစည်မြို့နယ်၊ တမ္ပဝတီရပ်ကွက်၊ ဗာဂျီးနီးယား ဆေးလုပ်ငန်းစက်ရုံဝန်းအတွင်းရှိ အဆိုပါရုံး အဆောက်အဦ၌ ယနေ့နံနက်(၀၈:၀၀) နာရီအချိန်တွင် ကျင်းပသည်။ ဖွင့်ပွဲအခမ်းအနားသို့ စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ မန္တလေးတိုင်းဒေသကြီး ဝန်ကြီးချုပ် ဒေါက်တာ ဦးဇော်မြင့်မောင်နှင့် တိုင်းဒေသကြီးအစိုးရအဖွဲ့ ဝန်ကြီးများ၊ အဂတိလိုက်စားမှုတိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်နှင့် အဖွဲ့ဝင်များ၊ မန္တလေးတိုင်းဒေသကြီး လွှတ်တော်ဥက္ကဋ္ဌ၊ တိုင်းဒေသကြီး တရားလွှတ်တော် တရားသူကြီးချုပ်၊ တိုင်းဒေသကြီး ဥပဒေချုပ်၊ တိုင်းဒေသကြီးစာရင်းစစ်ချုပ်၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ UNDP နှင့် UNODC မှ တာဝန်ရှိသူများနှင့် ဖိတ်ကြားထားသူများ စုံညီစွာ တက်ရောက်ကြသည်။ ဖွင့်ပွဲတွင် မန္တလေးတိုင်းဒေသကြီး အစိုးရအဖွဲ့ဝန်ကြီးချုပ်နှင့် အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌတို့က ကော်မရှင်ရုံးခွဲ ဖွင့်လှစ်ရခြင်းနှင့်စပ်လျဉ်း၍ အမှာစကားပြောကြားသည်။