နောက်ဆုံးရသတင်း

နေပြည်တော် ဖေဖေါ်ဝါရီ ၇

==================

အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်သည် New Zealand နိုင်ငံ Ministry of Foreign Affairs and Trade မှ Asia and Americas Group ၏ Deputy Secretary Mr. Ben King နှင့် မြန်မာနိုင်ငံဆိုင်ရာ New Zealand သံအမတ်ကြီး H.E. Mr. Steve Marshall တို့အား ယနေ့ ညနေ(၅)နာရီတွင် MGallery Hotel ၊ နေပြည်တော်တွင် လက်ခံတွေ့ဆုံသည်။

နေပြည်တော်၊ ဖေဖော်ဝါရီ ၅

---------------------------------

အဂတိလိုက်စားမှုတိုက်ဖျက်ရေးကော်မရှင်နှင့် ကုလသမဂ္ဂဖွံ့ဖြိုးမှုအစီအစဉ်တို့ ပူးပေါင်းကျင်းပသည့် အဂတိလိုက်စားမှုတားဆီးကာကွယ်ရေးအဖွဲ့ နည်းပညာသင်တန်း အမှတ်စဉ် (၁/၂၀၁၉) ဖွင့်ပွဲအခမ်းအနားကို ယနေ့ နံနက် ၈ နာရီတွင် နေပြည်တော်ရှိ Kempinski Hotel ၌ ကျင်းပသည်။

အခမ်းအနားသို့ ကော်မရှင်ဥက္ကဋ္ဌ ၊ အတွင်းရေးမှူး၊ ပြည်ထောင်စုအစိုးရအဖွဲ့ရုံး ဝန်ကြီးဌာန၊ လျှပ်စစ်နှင့်စွမ်းအင် ဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ကျန်းမာရေးနှင့် အားကစား ဝန်ကြီးဌာနများမှ ဒုတိယဝန်ကြီးများ၊ ကော်မရှင်အဖွဲ့ဝင်များ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ သင်တန်းသားသင်တန်းသူများ၊ ကျွမ်းကျင်ပညာရှင်များ၊ ဖိတ်ကြားထားသူများ၊ ပြည်တွင်ပြည်ပသ တင်းမီဒီယာများနှင့် တာဝန်ရှိသူများ စုစုပေါင်း (၂၀၀) ဦးခန့် တက်ရောက်ကြသည်။

၂၀၁၉ ခုနှစ်၊  ဇန်နဝါရီလ     ၂၉    ရက်

မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်၊ ဟောင်ကောင် အထူးအုပ်ချုပ်ခွင့်ရဒေသ အဂတိလိုက်စားမှုတိုက်ဖျက်ရေးကော်မရှင် Independent Commission Against Corruption-ICAC ၊ မြန်မာ့အသံနှင့် ရုပ်မြင်သံကြားတို့ ပူးပေါင်းစီစဉ်တင်ဆက်သော အဂတိလိုက်စားမှု တိုက်ဖျက်ရေး အသိပညာပေးဇာတ်လမ်းတွဲများဖြစ်သည့် "အမှန်တရားဘက်တော်သား၊ ICAC အဖွဲ့သားများ" ICAC Investigators 2016  အပိုင်း(၁)ကိုလာမည့် ဖေဖော်ဝါရီ  ၂ ရက်  ည ၉ နာရီ၌ လည်းကောင်း၊ အပိုင်း(၂)ကို ဖေဖော်ဝါရီ   ၉ ရက်  ည ၉ နာရီ၌လည်းကောင်း၊ အပိုင်း(၃)ကို ဖေဖော်ဝါရီ   ၁၆ ရက်  ည ၉ နာရီ၌လည်းကောင်း၊ အပိုင်း(၄)ကို ဖေဖော်ဝါရီ  ၂၃ ရက် ည ၉ နာရီ၌ လည်းကောင်း MRTV ရုပ်သံလိုင်းမှ ထုတ်လွှင့်မည်ဖြစ်ပါသည်။