နောက်ဆုံးရသတင်း

အဂတိလိုက်စားမှုတိုက်ဖျက်ရေးကော်မရှင် အနေဖြင့် အလွတ်သဘော စေတနာဖြင့် အကြံပေးရေး အဖွဲ့ (Voluntary Advisory Group – VAG) အား အဂတိလိုက်စားမှုတိုက်ဖျက်ရေး လုပ်ငန်းစဉ်များ နှင့် ပတ်သက်၍ လိုအပ်သည့် အကြံဉာဏ်များပေးနိုင်ရန်အတွက် ဖွဲ့စည်းမည်ဖြစ်ပါသည်။ အဆိုပါ အဖွဲ့၏ အောက်ပါ လုပ်ငန်းညွှန်းတမ်း  (Terms of Reference) အား သိရှိနိုင်ပါရန် ဖော်ပြ အပ်ပါသည်။

 

နေပြည်တော် ဇွန်

          အဂတိလိုက်စားမှုတိုက်ဖျက်ရေးကော်မရှင်နှင့် ပညာရေးဝန်ကြီးဌာနတို့ ပူပေါင်းဖွင့်လှစ်သော “ဖြောင့်မတ်တည်ကြည်မှု”လူငယ်စခန်း၂၀၁၉ (Youth Integrity Camp 2019) စခန်းသိမ်းပွဲ အခမ်းအနားကို ယနေ့ ညနေ(၁၅:၂၀)နာရီတွင် သင်္ဂဟဟိုတယ် Grand Ballroom ခန်းမတွင်ကျင်းပ ပြုလုပ်ခဲ့ပါသည်။ အခမ်းအနားတွင် စခန်းဝင်ဆရာ၊ ဆရာမ၊ ကျောင်းသား၊ ကျောင်းသူများအား ကျင့်ဝတ်လိုက်နာသူအဖြစ် အသိအမှတ်ပြုလက်မှတ်များကို ကော်မရှင်ဥက္ကဋ္ဌကလည်းကောင်း၊ သင်တန်းဆင်းလက်မှတ်များကို ကော်မရှင်အတွင်းရေးမှူးကလည်းကောင်း တက္ကသိုလ်/ကောလိပ် များမှ ကိုယ်စားလှယ်တစ်ဦးစီအားပေးအပ်ခဲ့ပြီး စခန်းဝင် ဆရာ၊ ဆရာမ၊ ကျောင်းသား၊ ကျောင်းသူများ  ကိုယ်စား တောင်ငူပညာရေးကောလိပ်မှ မမြတ်ဖူးငုံစိုးက ကျေးဇူးတင်စကား ပြောကြားခဲ့ပြီး စခန်းတွင် ဆွေးနွေးပို့ချချက်များမှ သင်တန်းသားများက ထုတ်ဖော်ခဲ့သည့် လူငယ်ထုလိုက်နာရမည့် ကျင့်ဝတ် (၈)ချက်အား တင်ပြခဲ့ပါသည်။

နေပြည်တော် ဇွန် ၃

          အဂတိလိုက်စားမှုတိုက်ဖျက်ရေးကော်မရှင်နှင့် ပညာရေးဝန်ကြီးဌာနတို့ ပူးပေါင်း၍ ကုလသမဂ္ဂမူးယစ်ဆေးဝါးနှင့်ပြစ်မှုဆိုင်ရာရုံး UNODC ၏ နည်းပညာအကူအညီဖြင့် ဖွင့်လှစ် သည့် “ဖြောင့်မတ်တည်ကြည်မှု ” လူငယ်စခန်း ၂၀၁၉ Youth Integrity Camp 2019 ဖွင့်ပွဲအခမ်းအနားကို ယနေ့ နံနက် ၉ နာရီတွင် နေပြည်တော်ရှိ သင်္ဂဟဟိုတယ် Grand Ballroom ခန်းမတွင် ကျင်းပရာ ပညာရေးဝန်ကြီးဌာန ပြည်ထောင်စုဝန်ကြီး၊ ကော်မရှင် ဥက္ကဋ္ဌ၊ မြန်မာနိုင်ငံဆိုင်ရာ အမေရိကန်သံအမတ်ကြီးနှင့် UNODC မှ ကိုယ်စားလှယ်တို့က အမှာစကား ပြောကြားသည်။