နောက်ဆုံးရသတင်း

၂၀၁၉ ခုနှစ် စက်တင်ဘာလ ၉ ရက်

          အဂတိလိုက်စားမှုတိုက်ဖျက်ရေးကော်မရှင်သည် စက်မှုဝန်ကြီးဌာန မြန်မာ့ ဆေးဝါးလုပ်ငန်း၊ ဆေးဝါးစက်ရုံ(အင်းစိန်) စက်ရုံမှူး ဒေါက်တာအောင်ဇော်အပေါ် အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၆ အရ ရန်ကုန်တိုင်းဒေသကြီး၊ အင်းစိန် မြို့မရဲစခန်းတွင် ၆-၉-၂၀၁၉ ရက်နေ့၌ ပထမသတင်းပေးတိုင်ကြားချက် ဖွင့်လှစ်၍ တရားစွဲဆို အရေးယူနိုင်ရေး ဆောင်ရွက်လျက်ရှိကြောင်း သတင်း ထုတ်ပြန်ခဲ့ပါသည်။

          အဆိုပါသတင်းနှင့် စပ်လျဉ်း၍ လူမှုကွန်ယက်စာမျက်နှာများတွင် အမြင် အမျိုးမျိုးဖြင့် သဘောထားမှတ်ချက်များ ရေးသားနေကြကြောင်းလည်း တွေ့ရှိရ ပါသည်။

          

နေပြည်တော် စက်တင်ဘာလ(  ၇    )ရက်

          ဆေးဝါးစက်ရုံ(အင်းစိန်) BPI နှင့် ဆေးဝါးစက်ရုံ(အင်ရောင်း) ကျောက်ဆည် တို့တွင် သွေးကြောသွင်း ဆေးရည်ဘူးများ ထုတ်လုပ်ရန်အတွက် ကော်စေ့များနှင့် စက်ပစ္စည်းများ ဝယ်ယူရာတွင် ကုမ္ပဏီနှင့် ပူးပေါင်း၍ ရိုက်စားခွင်များ ဖန်တီးနေသူများအား အရေးယူ ပေးပါရန် အဂတိလိုက်စားမှုတိုက်ဖျက်ရေးကော်မရှင်သို့ တိုင်ကြားခဲ့ပါသည်။

နေပြည်တော်၊ စက်တင်ဘာလ  ၂  ရက်

ကိုရီးယားသမ္မတနိုင်ငံ အဂတိလိုက်စားမှုတိုက်ဖျက်ရေးနှင့် ပြည်သူ့အခွင့်အရေးကော်မရှင် (Anti-Corruption and Civil Rights Commission – အေစီအာရ်စီ)၏ ဖိတ်ကြားချက်အရ ကိုရီးယားနိုင်ငံတွင်  ၂-၉-၂၀၁၉ ရက်နေ့မှ ၆-၉-၂၀၁၉ ရက်နေ့အထိ ကျင်းပပြုလုပ်မည့် အဂတိလိုက်စားမှုတိုက်ဖျက်ရေးအလုပ်ရုံဆွေးနွေးပွဲနှင့် သင်တန်းသို့တက်ရောက်ရန် မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်မှ အဖွဲ့ဝင် ဦးခင်မောင်မြင့် ဦးဆောင်ပြီး ကော်မရှင်ရုံးမှ အရာထမ်း(၁၄)ဦးပါဝင်သော ကိုယ်စားလှယ်အဖွဲ့သည် ၂၀၁၉ ခုနှစ်၊ စက်တင်ဘာလ ၁ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်မှ ကိုရီးယားနိုင်ငံသို့ ထွက်ခွာသည်။