နောက်ဆုံးရသတင်း

မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင်နှင့် UNODC တို့ပူးပေါင်း၍ ၂၂-၁-၂၀၁၈ ရက်နေ့မှ ၂၃-၁-၂၀၁၈ ရက်နေ့အထိ ရန်ကုန်မြို့ ၊PARKROYAL Hotel ၌ မြန်မာနိုင်ငံရှိ အစိုးရ မဟုတ်သော အဖွဲ့အစည်းများ (NGO)အပါအဝင် ပုဂ္ဂလိကကဏ္ဍနှင့် နိုင်ငံတကာအစိုးရ မဟုတ်သော အဖွဲ့အစည်းများ (INGO) အနေနှင့် အဂတိလိုက်စားမှုတိုက်ဖျက်ရေးတွင် ကိုယ်ကျင့် တရားကောင်းမွန်ရေး၊ပညာပေးရေး အလေးဂရုပြုရေး၊ ကာကွယ်ဟန့်တားရေး လုပ်ငန်းစဉ် များ အတွက် အတွေးအမြင်များ/ အတွေ့အကြုံများကို ပွင့်လင်းစွာတင်ပြနိုင်ရန် ရည်ရွယ်၍ အဂတိလိုက် စားမှု တွန်းလှန်ဖို့ ကိုယ်ကျင့် သိက္ခာမြှင့်တင်စို့" (Promote Integrity to Counter Corruption) ခေါင်းစဉ်ဖြင့် စာတမ်းဖတ်ပွဲအား ကျင်းပပြုလုပ်ခဲ့ရာ ပုဂ္ဂလိကကဏ္ဍ၊ NGO နှင့် INGO အဖွဲ့အစည်းမှ ကိုယ်စားလှယ်စုစုပေါင်း(၂၀၀)ကျော် ပါဝင်တက်ရောက်ခဲ့ပါသည်။

တိုင်စာ စုစုပေါင်း ၉၄၉ မှု

၁။      အဂတိလိုက်စားကြောင်းတိုင်စာ                              ၅  မှု

၂။      စီမံ/ အုပ်ချုပ်မှုလွဲမှားခြင်း                                    ၇၇  မှု

၃။      မြေယာစီမံခန့်ခွဲမှု                                                ၅၅  မှု

၄။      တရားရုံးရင်ဆိုင်ဆဲအမှု                                       ၆၅  မှု

၅။      ဌာနအတွင်းပုဂ္ဂိုလ်ရေးမမှန်မကန်                        ၁၇၄  မှု

၆။      အထွေထွေအမှု                                                  ၁၈  မှု

၇။      စိစစ်ဆဲ                                                          ၅၅၅  မှု

        အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင်များဖြစ်ကြသော တိုင်ကြားစာ  စိစစ်ရေးလုပ်ငန်းကော်တီအဖွဲ့ခေါင်းဆောင် ဦးအောင်သန်းမြင့်နှင့် ဦးစိုးတင့်၊ ဦးအောင်လွင်၊ ဦးမျိုးမြင့်၊ ဦးခင်မောင်မြင့်နှင့် ဒေါ်လဲ့လဲ့သွင်တို့သည် ၃၀-၁-၂၀၁၈ ရက်နေ့၊ နံနက်(၁၀)  နာရီအချိန်တွင် တိုင်ကြားစာစိစစ်ရေးလုပ်ငန်းကော်မတီရုံးခန်း ၌ စာတိုက်နှင့် ပုဂ္ဂလိကစာပို့  လုပ်ငန်းများမှ ကော်မရှင်သို့ရောက်ရှိလာသော တိုင်ကြားစာများ အား စနစ်တကျ ဖွင့်ဖောက်  ခြင်း၊ အသေးစိတ်ဖတ်ရှု၍ စိစစ်သုံးသပ်ရေးသားခြင်း၊ တိုင်ကြားစာများအား စနစ်တကျ မှတ်တမ်းတင်သိမ်းဆည်းခြင်းနှင့် ကော်မရှင်အစည်းအဝေးသို့ တင်ပြရန်တို့အား ဆွေးနွေးခဲ့ ပါသည်။

          ၁၃၇၉ ခုနှစ်၊ တပို့တွဲလပြည့်နေ့ သြဝါဒပါတိမောက်အခါတော်နေ့ (၃၁-၁-၂၀၁၈) နံနက်(၈) နာရီတွင် ကော်မရှင်ရုံးဝန်ထမ်းများ၏ စုပေါင်းထမနဲထိုးပွဲကို ကော်မရှင်ရုံး စုပေါင်းခန်းမမှာ ပြုလုပ် ခဲ့ပါတယ်၊ ထမဲနဲထိုးပွဲသို့ ကော်မရှင် ဥက္ကဋ္ဌ ဦးအောင်ကြည်၊ အတွင်းရေးမှူးနှင့် ကော်မရှင် အဖွဲ့ဝင်များ တက်ရောက်ကြည့်ရှုအားပေးပြီး နံနက်(၉)နာရီမှာ  လက်ဖက်ရည်နှင့်ထမနဲကို ဝန်ထမ်း များနှင့်အတူ ပျော်ပျော်ပါးပါးသုံးဆောင်ခဲ့ပါတယ်၊  ထမဲနဲပွဲအတွက် ကော်မရှင် ဥက္ကဋ္ဌနှင့် အဖွဲ့ဝင် (၁၂)ဦးက အလှူဒါနပြုလုပ်ခဲ့တာပါ၊ ထမနဲဒယ်(၆)ဒယ်ထိုးပြီး ရုံးအနီး ဘုန်းကြီးကျောင်းများသို့ လည်း ဆက်ကပ်လှူဒါန်းခဲ့ပါတယ်။

          ရာသီစာထမနဲကို ဝန်ထမ်းတွေအတွက် အလှူဒါနပြုလုပ်ပေးပါသော ကော်မရှင်ဥက္ကဋ္ဌ၊ အတွင်းရေးမှူးနှင့်အဖွဲ့ဝင်များအားလုံး ကိုယ်စိတ်နှစ်ဖြာကျန်းမာချမ်းသာကြပါစေရန် ကော်မရှင်ရုံး ညွှန်ကြားရေးမှူးချုပ်နှင့်ဝန်ထမ်းများက ဆုတောင်းမေတ္တာပို့သအပ်ပါတယ်ခင်ဗျား။