နောက်ဆုံးရသတင်း

နေပြည်တော်၊ ဖေဖော်ဝါရီ ၅

---------------------------------

အဂတိလိုက်စားမှုတိုက်ဖျက်ရေးကော်မရှင်နှင့် ကုလသမဂ္ဂဖွံ့ဖြိုးမှုအစီအစဉ်တို့ ပူးပေါင်းကျင်းပသည့် အဂတိလိုက်စားမှုတားဆီးကာကွယ်ရေးအဖွဲ့ နည်းပညာသင်တန်း အမှတ်စဉ် (၁/၂၀၁၉) ဖွင့်ပွဲအခမ်းအနားကို ယနေ့ နံနက် ၈ နာရီတွင် နေပြည်တော်ရှိ Kempinski Hotel ၌ ကျင်းပသည်။

အခမ်းအနားသို့ ကော်မရှင်ဥက္ကဋ္ဌ ၊ အတွင်းရေးမှူး၊ ပြည်ထောင်စုအစိုးရအဖွဲ့ရုံး ဝန်ကြီးဌာန၊ လျှပ်စစ်နှင့်စွမ်းအင် ဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ကျန်းမာရေးနှင့် အားကစား ဝန်ကြီးဌာနများမှ ဒုတိယဝန်ကြီးများ၊ ကော်မရှင်အဖွဲ့ဝင်များ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ သင်တန်းသားသင်တန်းသူများ၊ ကျွမ်းကျင်ပညာရှင်များ၊ ဖိတ်ကြားထားသူများ၊ ပြည်တွင်ပြည်ပသ တင်းမီဒီယာများနှင့် တာဝန်ရှိသူများ စုစုပေါင်း (၂၀၀) ဦးခန့် တက်ရောက်ကြသည်။

၂၀၁၉ ခုနှစ်၊  ဇန်နဝါရီလ     ၂၉    ရက်

မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်၊ ဟောင်ကောင် အထူးအုပ်ချုပ်ခွင့်ရဒေသ အဂတိလိုက်စားမှုတိုက်ဖျက်ရေးကော်မရှင် Independent Commission Against Corruption-ICAC ၊ မြန်မာ့အသံနှင့် ရုပ်မြင်သံကြားတို့ ပူးပေါင်းစီစဉ်တင်ဆက်သော အဂတိလိုက်စားမှု တိုက်ဖျက်ရေး အသိပညာပေးဇာတ်လမ်းတွဲများဖြစ်သည့် "အမှန်တရားဘက်တော်သား၊ ICAC အဖွဲ့သားများ" ICAC Investigators 2016  အပိုင်း(၁)ကိုလာမည့် ဖေဖော်ဝါရီ  ၂ ရက်  ည ၉ နာရီ၌ လည်းကောင်း၊ အပိုင်း(၂)ကို ဖေဖော်ဝါရီ   ၉ ရက်  ည ၉ နာရီ၌လည်းကောင်း၊ အပိုင်း(၃)ကို ဖေဖော်ဝါရီ   ၁၆ ရက်  ည ၉ နာရီ၌လည်းကောင်း၊ အပိုင်း(၄)ကို ဖေဖော်ဝါရီ  ၂၃ ရက် ည ၉ နာရီ၌ လည်းကောင်း MRTV ရုပ်သံလိုင်းမှ ထုတ်လွှင့်မည်ဖြစ်ပါသည်။

နေပြည်တော် ဇန်နဝါရီလ(     ၂၉    )ရက်

        ဧရာဝတီတိုင်းဒေသကြီး၊ လပွတ္တာမြို့နယ်နေ နစ်နာသူ လယ်သမားများက လယ်ထွန်ရန်အတွက် လိုအပ်သော ကျွဲ(၅)ကောင်ကို စာချုပ်စာတမ်းနှင့် ဝယ်ယူခဲ့ပြီး စက်လှေဖြင့် သယ်ဆောင်လာစဉ် လပွတ္တာမြို့နယ်၊ ကန်ဘဲ့ နယ်မြေရဲစခန်းမှ အမှုဆင် ဖမ်းဆီး တရားစွဲ၍ ငွေကြေးတောင်းခံ ခဲ့ခြင်းနှင့် တရားရုံး သက်သေခံဖြစ်သော ကျွဲများကို ရောင်းစားခဲ့သည့်အတွက် အရေးယူ ပေးပါရန် ဤကော်မရှင်သို့ တိုင်ကြား ခဲ့ပါသည်။