နောက်ဆုံးရသတင်း

နေပြည်တော်၊ အောက်တိုဘာ ၉ ရက်
 

---------------------------------
အဂတိလိုက်စားမှုတိုက်ဖျက်ရေးကော်မရှင်သည် ကမ္ဘာ့ဘဏ်အဖွဲ့၏ ကျွမ်းကျင်မှု နည်းပညာအကူအညီဖြင့် Innovative Beneficiary Engagement အစီအစဉ်ကို မြန်မာနိုင်ငံတွင် အသေးစားအဂတိလိုက်စားမှု လျှော့ချရေးအတွက် လက်သုံး ကိရိယာအဖြစ် စမ်းသပ်အသုံးပြုခြင်း အခမ်းအနားကို ယနေ့(၁၃:၀၀)နာရီတွင် နေပြည်တော်ရှိ Kempinski Hotel ၌ ကျင်းပသည်။

၂၀၁၉ ခုနှစ် အောက်တိုဘာ ၁၀ ရက်

---------------------------------

South East Asia Parties Against Corruption (SEA-PAC) အဖွဲ့ဝင်နိုင်ငံများအကြား အဂတိလိုက်စားမှုတိုက်ဖျက်ရေးကိစ္စရပ်များအပေါ် ပိုမိုထိရောက်စွာ ပူးပေါင်းဆောင်ရွက်နိုင်ရေး၊ ကောင်းမွန်သော အလေ့အထများ မျှဝေနိုင်ရေး၊ အဂတိလိုက်စားမှု တားဆီးကာကွယ်ရေး၊ အသိပညာပေးရေး၊ စုံစမ်းစစ်ဆေးရေးနယ်တို့တွင် ရှေ့ဆက်ဆောင်ရွက်မည့် (SEA-PAC) ၏ ၂၀၂၀−၂၀၂၂ လုပ်ငန်းအစီအစဉ်အား ချမှတ်နိုင်ရေးတို့နှင့် စပ်လျဉ်း၍ အစည်းအဝေးကို (၉−၁၀−၂၀၁၉) ရက်နေ့မှ (၁၀−၁၀−၂၀၁၉)နေ့ရက်များ၌ ထိုင်းနိုင်ငံ၊ ဗန်ကောက်မြို့ Royal Orchid Sheraton Hotel & Towers တွင် ကျင်းပပြုလုပ်ခဲ့ရာ SEA-PAC အဖွဲ့ဝင်နိုင်ငံ(၁၀) နိုင်ငံမှ ကိုယ်စားလှယ်များ တက်ရောက်ခဲ့ပြီး မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်မှ ကော်မရှင်အဖွဲ့ဝင် ဉီးဇော်ဝင်းဉီးဆောင်သော ကိုယ်စားလှယ်အဖွဲ့မှ ပါဝင်တက်ရောက်ခဲ့ပါသည်။

နေပြည်တော်၊ အောက်တိုဘာ ၃

--------------------------

အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးအောင်ကြည်သည် ကုလသမဂ္ဂဖွံ့ဖြိုးမှု အစီအစဉ် UNDP မှ   ဌာနေကိုယ်စားလှယ် Mr. Peter Batchelor အား ယနေ့ နေ့လည် (၁၂:၀၀) နာရီတွင် နေပြည်တော်ရှိ အဂတိလိုက်စားမှုတိုက်ဖျက်ရေး ကော်မရှင်ရုံး၊ ဧည့်ခန်းမ၌ လက်ခံတွေ့ဆုံ ခဲ့သည်။

၂၀၁၉ ခုနှစ်၊ စက်တင်ဘာလ ၂၁ ရက်

----------------------------

ယနေ့သတင်းမီဒီယာများကို ဖိတ်ခေါ်ရှင်းလင်းရတဲ့အကြောင်းကတော့ ပြီးခဲ့တဲ့ စက်တင်ဘာလ ၁၃ရက်နေ့က သမ္မတအိမ်တော် သတင်းစာရှင်းလင်းပွဲမှာ ညွှန်ကြားရေးမှူးချုပ် ဉီးဇော်ဌေးက အဂတိလိုက်စားမှုနှင့်ပတ်သက်သော မေးမြန်းချက်တစ်ချို့ကို အဂတိလိုက်စားမှုတိုက်ဖျက်ရေး ကော်မရှင် စစ်ဆေးရေးမှူးချုပ်အား မေးမြန်းရန် ပြောကြားခဲ့သည်ကို သိရှိခဲ့ရပါတယ်။ ကျွန်တော်ကတော့ အဂတိလိုက်စားမှုတိုက်ဖျက်ရေးကော်မရှင်ရုံးမှ စစ်ဆေးရေးမှူးချုပ် ဉီးသန့်ဇော်ဖြစ်တဲ့အတွက် မီဒီယာများက မေးမြန်းလိုသော အချက်အလက်များကို ဖြေကြား ပေးရန်အတွက် ယခုလို သတင်းစာ ရှင်းလင်းပွဲ ပြုလုပ်ရခြင်း ဖြစ်ပါတယ်။